Random images from my flickr stream...

www.flickr.com

12/01/07

KaHan Se Laoge...

Click on the image above for a better view...

And for people who do not read Hindi very well.... here is a more readable version...

ek daadi ka haath sar par,
aur wo lori...

kahan se laoge?

pair chukar namaste kehne wale chote bhai...
baithne par aawaaz karne wali charpai...

kahan se laoge?

ek gali jahan saath manai jaye holi, aur diwali...
Eid ki mubarakbaad se goonje, aisee gali...

kahan se laoge?

Siksha ke naam par siksha dene wali paathshaala,
aur wo baaju ki dukaan par muft mein toffee dene wala lala...

kahan se laoge?

Ravivaar ki dopahar mein saath moongfali khana...
roothe hue logon ko greeting card dekar manana...

kahan se laoge?

Taange mein jute ghode ki naal ki aawaaz...
Vividh Bharti ki Akhil Bhartiya Seva par bajne wale saaz...

kahan se laoge?

Samay Chalega hum chalenge tum chaloge...
par wo saath chalne ka Jazba...

Kahan se Laoge?

Prashant Bhardwaj, 2007

Loadsssss of thanks to Priyanka for the image :)

27 comments:

  1. nice words but w.r.t to ???????????

    ReplyDelete
  2. # deepak...

    wrt to nothing...

    just a thought process !!!

    ReplyDelete
  3. Nostalgia!

    We can still relate to these, how will the future generation relate?

    ReplyDelete
  4. # subbu...

    i have no clue... :(

    ReplyDelete
  5. This is such a thoughtful post. Every stanza carries a bitter truth with it.And yet, u have written it down so beautifully. Specially the stanza which talks about "muft mein toffee".

    ReplyDelete
  6. Thank you butterfly :) nice to see you here...

    God Bless...

    ReplyDelete
  7. tumhare shabd kyun tumhara woh roop dikhate hain jo tum nahi dikhaate ...

    ReplyDelete
  8. # anony...
    shabdon ki galti hai shayad...

    ReplyDelete
  9. # anony & Prashant...

    Shabdon ko kyuun dosh dete ho? shayad ye wo keh dete hain jo tum dikhaa nahii paate!!!

    ReplyDelete
  10. ...aur chalte chalte
    kahiin duur
    kahiin aage pahunch bhii jayenge
    lekin jo choot gaya... wo sab - Kahan se Laoge?

    ReplyDelete
  11. Prashant it is awesome...

    and reema....BEAUTIFUL LINES GIRL

    ReplyDelete
  12. dosh na shabdon ka hai aur na hi shabdon ko awaaz dene wale ka.
    ye shayad ek hi insaan ke kai pehlu hain...kuch samajh aate hain aur kuch nahi.

    ReplyDelete
  13. Beautiful - somwhere it managed to touch a long lost chord within.

    Murari Laal - tussi chaa gaye!! =)

    Cheers to you,

    B

    ReplyDelete
  14. # reema...
    sorry hai ji...

    and excellent lines.... thanks !!!

    # kanu...
    thank the you ji...

    # anony...
    correct ji correct...

    ReplyDelete
  15. # B...

    oye baandri... tu yahan :) mil gaya tereko time :)

    thank you... Murari laal rocks :)

    ReplyDelete
  16. true...very true, aaj kal these little things and many more lyk these are missing....sahi mein pata nahi yeh sab kahan se layenge???

    वैसे आप ये कहाँ से लाये???

    ReplyDelete
  17. # shweta...
    mujhe bhi nai pata...

    main kya kahan se laya? aapka question zara samajh nai aaya :)

    ReplyDelete
  18. tum hindi mein kyun likh rahe ho? mujhe hindi smajhmein nahi aatein...is that right? :P

    ReplyDelete
  19. # Kanu & Prashant...
    thanks... Gooood Company wrks.. pana asaar dikhaane lagtii hai :P

    # Prashant... sorry ki koi baat nai ji :)

    ReplyDelete
  20. # soo..

    that is why i wrote hindi in english too... if you speak hindi then it should be easy to understand the second part of the post na :)

    # reema..
    thank you ji :)

    ReplyDelete
  21. i meant yeh poem kahan se laaye...did u write it???

    ReplyDelete
  22. ofcourse i wrote it.... ye kaisa sawal hua bhai !!!

    ReplyDelete
  23. very wel written...its hilarious as wel as sad wen i come across the kind of youth that very clearly n conveniently take pride in stating"mujhe hindi nahi ata hai"

    its absurd and sumtimes pseudo down to core,n these are not just teen there are people as old as freakin 24 who think hindi is sumthin to be looked down upon whereas english as they consider it,happens to be an endorsement on the"cool"outlook..

    thanku more than nythin fer the "hindi promotion n propagation"trust me its really reqd,esp in places like delhi..

    angrezi aur angrezii ka guroor toh sar chad gaya..
    par ghalib ke kissson mein chuppe huee baton ka lutf...kahan se laoge!!(ummmm maybe this is hysterically funny,but wateva!jai hindi!!)

    ReplyDelete
  24. :) nice hai re.. yaar vaise kuchh cheezein kahi se layi nahi jaati wo life me ya to hoti hai ya nahi hoti..

    ReplyDelete
  25. # peu...
    really appreciate your concern there... i felt really good to read your comment...

    if there are people like you around.. then trust me there would be someone or the other who would remember that Hindi or for that matter any local language is as important as the cewl english...


    # kishley...
    sab khud se nai hota sweetie... laan abhi padta hai kabhi kabhi... mehnat mushakat !!! zaroori hai...

    ReplyDelete
  26. jaise wo hand pump ka paani, dahi ka mattha banane wali naani...

    kahan se laoge?

    ReplyDelete
  27. hanstey-hanstey lot-pot ho jana,
    bin surr taal, aur phatey hothon se gaana...
    ab chehrey pe chapii shikan ke peechey,
    chupii huyi wo baalpan kii muskaan...

    kahaan se laaoge?

    ReplyDelete